De Km0 e produción ecolóxico. Porque a materia prima é a esencia da nosa cociña.
Orixe é un fogar, por iso tratamos aos nosos clientes coma convidados. Estás na túa casa.
Unha coidada elección de caldos galegos. Maridaxe para experimentar o sabor da nosa terra.
Dámosche a benvida a Orixe. Ponte cómodo/a porque estás a piques de comezar unha viaxe polos sabores, aromas e texturas da nosa terra. Dende o corazón de Compostela, coñecerás a gastronomía entendida como unha experiencia conformada non só por sabores, se non tamén por lembranzas, conversas e sentimentos. Somos unha reivindicación da necesidade dunha volta ás orixes, a unha cociña pausada, de base atlántica, onde o produto é o único
protagonista.
Unha mestura de tradición e modernidade, unha homenaxe á nosa terra, á nosa infancia e, sobre todo, ao incansable labor das Cociñeiros, Mariscadores, Labregos, Gandeiros e Mariñeiros que fan da gastronomía galega unha das mellores do mundo.
No corazón de Compostela atópase o xermolo de Orixe: o noso restaurante. Un auténtico fogar galego onde a madeira, a pedra e o ferro fundido crean un coidado espazo inspirado nas casas tradicionais, onde a cociña foi e continúa sendo o núcleo da vida en Galicia.
Cunha cociña inspirada “na cociñas das avoas”, os nosos cociñeiros utilizan produtos sempre frescos e da mellor calidade para elaborar unha carta que intenta da maneira máis humilde homenaxear á nosa gastronomía.
O noso afán por reivindicar a gastronomía galega, levounos a abrir unha tenda na que o cliente poida atopar todo tipo de produtos galegos: conservas, doces, empanadas, viños de todas as denominacións de orixe de Galicia e moito más é o que os clientes curiosos poden atopar no noso ultramarinos.
No noso restaurante somos testemuñas privilexiadas de eventos de todo tipo: namoramentos, reconciliacións, celebracións… Ata a firma dalgún contrato! Pero, sen dúbida, o que se repite día tras día son as longas sobremesas que teñen lugar despois das comidas e ceas. Este costume tan noso inspirou o proxecto das Sobremesas de Orixe, nas que convidamos a persoeiros da cultura galega que, ao igual ca nós, viven con paixón o seu oficio.
Dende Orixe, queremos compartir con vós a experiencia e bon facer destes cantantes, artesáns, influencers, mariñeiros e demáis comensáis nestas sobremesas onde compartiron lembranzas, opinións, café e algún que outro licor. Por suposto, vós tamén estades convidados!
Eventos benéficos, catas a cegas, proxectos cos personaxes máis destacados do panorama cultural galego… Non nos estraña que ás veces perdades un pouco o fío do que andamos a argallar. Así que nesta sección recompilamos todas as noticias que se fan oído do que enredamos desde Grupo Orixe Gastronomía Galega.
Información básica sobre Protección de Datos
Responsable: Grupo Orixe Gastronomía Galega SL B70522578.
Finalidade: A obtención do consentimento para responder ás cuestións plantexadas a través do noso formulario de contacto.
Lexitimación: Consentimento do interesado.
Destinatarios: En ningún caso se cederán datos a terceiros, salvo obligación legal.
Dereitos: Acceder, rectificar e suprimir os datos, así como outros dereitos, como se explica na política de privacidade.
No centro histórico de Santiago, na Rúa Casas Reais atópanse o noso restaurante e o noso ultramarinos. Ao carón da “Porta do Camiño”, considerada a entrada principal á cidade amurallada, é dende fai séculos a entrada á cidade dos peregrinos que fan o Camiño Francés. Ao igual que a rúa na que nos atopamos dá a benvida aos peregrinos a Compostela, Orixe quere ser unha benvida á nosa gastronomía e raíces.
Estades todos convidados!
Chamámoslle fedello a esa persoa inqueda, que anda na procura de novas experiencias. E o Club Fedello nace desa inquedanza que existe pola gastronomía da nosa terra. Un espazo desde donde poñer en valor o traballo de toda a nosa xente do campo e do mar, que día a día tanto aportan á nosa gastronomía.
Por iso, entendemos que o noso mellor xeito de agradecer aos nosos clientes a súa fidelidade e a súa forma de entender a nosa gastronomía, era creando o Club Fedello. Unha ferramenta de comunicación, un espazo de encontro, a oportunidade de incribles experiencias gastronómicas e, sobre todo, ofrecer certos privilexios aos que formades parte.
Isto é so o principio dunha comunidade do que estarás deseoso de formar parte e que unha vez dentro, xa non quererás sair. ¿Queres saber máis? Solicita información no seguinte formulario e continúa atento á nosa web e redes socias, o mellor está por chegar…
